لا حول ولا قوة إلا بالله !
أول مرة اقرأ ديوان احس الكاتب مش عارف يكتب
هو مجمع كل المعاني والتشبيهات اللي قراها قبل كده وحطهم جنب بعض
انا عطيته فرصته كاملة وكملت الديوان اللي عبارة عن 238 صفحة ! في ايه مش عارفة
القصايد الأولى عبارة عن سطرين في نص الصفحة ، كملت للنص القصايد طولت شوية صفحتين من حجم الكتاب اللي عبارة عن (حجم متوسط) قولت يمكن أي معنى يوصل لكن القصائد بائسة جدا والتشبيهات بشعة
في (قصيدة) كانت عبارة عن كلمتين
أعضاؤك غابة وبس !
لأ وكله كوم وتكرار المعنى وعكسه وراء بعض كوم تاني
اللي كنا بنأخده في التذوق الفني لإثراء المعنى
مثلا
أحول الحياة إلى حلم واحول الحلم إلى حياة
أجعل الجحيم كالجنة والجنة كالجحيموزي
بيقينك الذي لا ينتهي إلا على عتبة الشك
وبشكك الذي لا ينتهي إلا على عتبة اليقين وكمان
ليعمل مع الآخرين
ليعمل ضد نفسه
ليعمل ضد الآخرين
ليعمل مع نفسه فكرني بفيلم عندليب الدقي ، محمد هنيدي بيغني قدام حلمي بكر
قلبي على طيري، طيري على قلبي .. بص حضرتك بنعلى بالمقام وننزل بالمقام عشان الملل :D
طب مين فيه مرارة تستحمل كده ؟!